買貴嘢

都話科技日新月異, netbook落地剛剛一星期, 竟然出咗160GB版本, 咁我本80GB啃係即刻跌價啦, 而呢本新嘢嘅價錢比我嗰本只係貴幾百蚊, 真係激死!!

一個人的生活不易過

老公要外遊, 成個禮拜唔係香港, 一個人嘅生話真係唔係好慣。

今日先至係第一日, 嚟緊嘅7日都唔知點算, 哎... 唔通要用返工同返學嚟充斥自己嘅時間?

可憐!!!

八號風球下的晚餐

話明最遲六點會掛八號風都唔俾走, 最後真係等到掛咗八號波先可以鬆人, 作為全港最大僱主嘅佢, 真係無人情味, 一啲都唔體諒啲員工。

返到屋企嗰頭, 唯一一間快餐店已經關門大吉。惟有返屋企煮個丁、開罐罐頭頂住，好彩屋企有少少菜未煮，先至balance返成個晚餐。

最奇就係老公喺八號風球追迫下, 都要走去Great買支酒飲，真係服咗佢！

My New "Toys"

三個月買兩部電腦, 係咪中咗ICT毒???

唔好再迫我

點解次次都係去到最後先至話要改嘢?

點解唔一早出聲?

點解去到最尾話要改嗰啲都係啲無關痛癢嘅嘢, 但係都堅持要改?

究竟佢明唔明乜嘢叫做deadline?

究竟佢知唔知邊人哋背後要做好多嘢先至可以滿足佢嘅所謂小小嘅要求?

究竟佢知唔知夾係中間好難做?

究竟佢知唔知有人為佢受了好多氣?

點解我建議佢改嘢時, 佢又會識得同我講:「唔好改啦, 已經通知晒所有人。」

己所不欲, 勿施於人。究竟佢識唔識架!!!!!

開學了

終於返學了, 先發覺又要返工, 又要返學的日子不易過。

雖說一個星期才兩天, 但看見這個semester的schedule, 就暈一陣陣。

差不多每兩至三個星期就要交一份功課, 仲有一大堆書要睇, 又要適應依家所有野都要"E" ... 唔知可以捱到幾耐, 返咗一堂已經想放棄 ...

盡力而為啦!加油!