Saturday, January 03, 2009

2009年第一次開年

今日真的迫不得已要鬧細路。

事緣今天帶姪兒仔與姪女到公園玩,怎知過了一會,發現姪兒失蹤了。四處尋找過後,仍然下落不明。我又不敢走得很遠找他,怕他返回遊樂場找不到我們。可知維園那麼大,要找一個人談何容易。已過了半小時,還不見他的蹤影,我心急如焚,正想找援兵之際,看見他施施然走回來,氣得我立即破口大罵。

他竟然私自跑到另一面的草地與朋友仔踢波。只見他驚恐的表情,肯定被這個惡姑姐嚇怕。但我要他明白,他是做錯了,我要他親口說對不起及說自己錯在那裡。我還要他明白做錯事要受罰,所以下次只帶妹妹上街,沒有他份。

相信以前他亦曾經出現類似情況,因為當我問他以前有沒有試過時,他竟告訴我爸爸帶他到公園時常常偷賴,沒看管他。家教真的很重要,如沒有教懂是非黑白,他們只會一直錯下去。可惜我能力有限,不能每天都在身邊教導他們。

Friday, December 26, 2008

聖誕快樂

真的很久沒有寫Blog了, 早前因為讀書關係, 沒時間及心情寫任何東西, 終於捱過一關又一關, 終於過了一個學期。雖不知成績如何, 但總算過去了。是否還要繼續, 真的要好好想清楚。

如果繼續的話, 還有兩個多星期便要開學。我要趁這數天假期, 好好享受一下。

祝各位聖誕快樂!

Friday, October 31, 2008

港人四大惡習- by 小克



Wednesday, October 01, 2008

意想不到的收獲



不嬲對睇煙花都無乜興趣, 從來唔會企圖或意圖係呢啲日子外出睇煙花。

今日竟然無意間俾我睇到喎, 哈哈!!

都話係無意間, 又點會有相機係身呢 (不過屋企啲相機都俾人攞晒去旅行:( ), 所以呢張相係喺明報網頁度download架咋, 唔好誤會呀。

Tuesday, September 30, 2008

買貴嘢


都話科技日新月異, netbook落地剛剛一星期, 竟然出咗160GB版本, 咁我本80GB啃係即刻跌價啦, 而呢本新嘢嘅價錢比我嗰本只係貴幾百蚊, 真係激死!!